Министерот Сали посети Украинка, која се породи во болницата во Чаир

Министерот за здравство Беким Сали на својот фејсбук профил објави дека денеска ја посетил Украинката Оксана, која се породила во Специјалната болница по гинекологија и акушерство „Мајка Тереза“ во Чаир.

– Убави вести ни доаѓаат од Гинекологија во Чаир, Оксана од Украина на свет донесе девојче, тешко 3,8 кг и долго 54 см. Оксана и новороденчето се во добра состојба, тимот од гинеколози, педијатри и медицинските сестри се грижат за нив и тие се во сигурни раце. Во разговорот со Оксана, таа ме информираше дека е задоволна од здравствената услуга и дека одлично се чувствува. И посакав добро здравје и многу среќни моменти, напиша Сали.