Мицкоски: Референдумот мора да биде обврзувачки и демократски
- Потпишаниот договор со Грција е капитулантски чин со кој е прифатен ултиматумот на Грција и сто проценти од нивните барања. Тој ја обврзува само Македонија, а не и Грција. Ќе поддржиме референдум, само ако тој е обврзувачки и демократски. Ако биде незадолжителен, партијата нема да го признае како волја на народот, порача лидерот на ВМРО-ДПМНЕ Кристијан Мицкоски.
Тој во интервјку дадено за Алсат ТВ вели дека има многу причини поради кои договорот е капитулантски. Прво, посочува, не се знае што ќе се случи ако Грција не ги испочитува обврските и рокот во кој тоа треба да го направи. Потоа, се ратификува со 69 пратеници, а за да се реализира потребни се уставни измени за кои пак треба двотретинско мнозинство. И трето, рече, прашање во име на чија земја министерот за надворешни работи Никола Димитров го потпишал договорот.
Мицкоски дека договорот излегол надвор од рамки на резолуцијата на ОН во која, како што рече, јасно се вели дека се разговара за разликите што Грција ги има во врска со нашето уставно име, а не за идентитет и јазик, нешта, што рече, се одамна стекнати, а сега се губат.
За тоа дека договорот е капитулантски, вели, говорат и изјавите на грчките официјални лица, меѓу кои и на Премиерот Алексис Ципрас дека добиле максимум со вметнување придавка северна пред Македонија.
На прашањето дали е против НАТО и ЕУ, со оглед дека без дововор нема членство во овие организации, тој вели дека не треба да се повлекуваат такви паралели. ВМРО-ДПМНЕ, потенцира, секогаш е за остварување на овие стратешки цели, но не по цена на капитулација. Договор можеше да има, смета Мицковски, но, не ваков туку онаков во кој Македонија би добила повеќе, а не би дала 100 проценти како сега.
Лидерот на ВМРО-ДПМНЕ вели дека 100 отсто е сигурен дека ниту еден од пратениците од коалицијата што ја предводи опозициската партија нема да поддржи импичмент за претседателот Иванов. Според него, премиерот и лидер на владејачката СДСМ не може да собере двотретинско мнозинство за импичмент на претседателот.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка