Меси сака да игра на Светското првенство во 2026 година
Аргентинскиот фудбалски великан Лионел Меси сака да игра на Светското првенство во 2026 година, но рано е за официјални најави, изјави селекторот на аргентинската репрезентација Лионел Скалони.
Скалони, кој ја предводеше Аргентина до титулата на Светското првенство во 2022 година во Катар, ја објасни желбата на 37-годишниот рекорден осумкратен освојувач на „Златната топка“ да остане во тимот.
-Првото нешто што треба да се каже е дека и тој и неговите соиграчи се свесни дека останува разумно време и дека тој и сите други сакаат да играат на Светското првенство. Ќе треба да почекаме и да видиме како ќе се развиваат работите. Меси знае што мислиме и е најинтелигентен од сите нас, изјави Скалони за ДССПОРТС.
Скалони зборуваше и за одлуката на поранешниот аргентински напаѓач Анхел ди Марија да се повлече од националниот тим откако минатата година го освои вториот трофеј на Копа Америка.
-Од она што го кажа, се е готово. И на најдобар можен начин. Да напишеше свој филм, своја книга, своја фудбалска приказна, мислам дека немаше да ја напише толку добро како што ја заврши, рече Скалони.
Ново на Сител
-
Позитивни финансиски резултати на Алкалоид
-
Од моден дизајнер до државен првак во бодибилдинг | Катерина Попева | Sitel Podcast 083
-
Зеленски до Трамп: Само сакам да знам што ќе биде со Украина
-
Kривична против десет припадници на затворска полиција во затвор „Скопје“
-
Јаневска: Јавната расправа за концепцијата за гимназиско образование ќе трае цела година, системот од 1995 година не дава плод
-
Мицкоски: Македонија ќе биде земја со најголем број странски инвестиции по глава на жител во регионот
-
Поради појава на магла намалена видливост до 70 метри на Стража и во Крушево
-
Рубио: САД нема да дозволат Русија да стане „помлад партнер“ на Кина