Меркел бара разумен пакет мерки за Британија да остане во ЕУ

Германската канцеларка Ангела Меркел изјави денеска дека бара на преговорите за предоговарање на условите на британското членство во ЕУ да биде постигнат разумен пакет мерки, кои ќе ја задржат Велика Британија во Унијата.

- Во наредните седмици особено е важно да донесеме одлуки во наш интерес, за да подготвиме разумен пакет, што ќе овозможи Велика Британија да остане во ЕУ, рече Меркел синоќа во Вилдбад Кројт, во јужна Германија.

- Но на крајот, се разбира, одлука ќе донесат британските граѓани, додаде германската канцеларка.