Мексико: Бројот на загинати во експлозијата достигна до 13 лица
Најмалку 13 лица загинаа во експлозија во државната нафтена компанија „Пемекс“ во мексиканската држава Веракруз, соопшти денеска шефот на државната служба за вонредни ситуации Луис Филипе Пуенте.
Тој на својот налог на Твитер објави фотографии од експлозијата, која синоќа одекна во близина на аеродромот „Коацакоалкос“, и истакна дека до сега е утврдено дека 13 лица настрадале во експлозијата.
Како што јавува Би-Би-Си, повредени се 136 лица во експлозијата, стотина лица се евакуирани, а околните училишта се затворени.
На фотографиите кои се објавени на социјалните мрежи се гледа огромен пожар и густ чад.
Причината на пожарот се уште не е позната.
Гувернерот на Веракруз Хавијер Дуарте истакна дека ударот од експлозијата се почувствувал на оддалеченост од 10 километри.
Од 136 лица кои се повредени, 88 се задржани во болница, а 13 од нив се во критична состојба.
Во последните години, повеќе експлозии одекнаа во нафтената компанија „Пемекс“.
Ново на Сител
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион
-
Расчистена кражба во Гостивар
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела