Мажот, кој уби тројца и рани сто лица во Австрија, осуден на доживотен затвор
Психички заболениот маж, кој уби три лица и рани над сто во австрискиот град Грац, минатото лето кога влета со возило во толпа луѓе, беше осуден на доживотен затвор и е испратен во психијатриска установа.
Поротниците од Грац оценија дека Ален Ризвановиќ, 27-годишен возач на камион, може да сноси кривична одговорност за неговите постапки, порекнувајќи го мислењето на обвинителството и на експертите, кои на обвинетиот му поставија дијагноза шизофренија, проследена со параноични халуцинации.
На 20 јуни 2015 година овој татко на две деца удри со возилото десетина минувачи, возејќи со голема брзина низ пешачкиот центар, преполн со луѓе, во вториот по големина град во Австрија.
Тој излезе од автомобилот и нападна со нож други луѓе, при што рани двајца, по што и се предаде на полицијата.
Трагедијата, во која загинаа четиригодишно дете, 24-годишна жена и 28-годишен маж, ја шокираше цела Австрија. Полицијата веднаш ја исклучи можноста дека станува збор за терористички напад. Инцидентот го определи како дело на личност со нарушено психичко здравје.
Во текот на судскиот процес беа сослушани 130 сведоци, а обвинетиот, кој целиот бил облечен во бело изјави дека во моментот на инцидентот се почувствувал „дека некој го прогонува“.
Според изјавите на настраданите тој симулирал шизофренија. Поротата утврди дека Ален Р. може да сноси кривична одговорност, но сепак го испрати во психијатриска болница, бидејќи оцени дека тој претставува опасност за околината.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“