Маратонско читање на „Војна и Мир“ во живо преку интернет
Познати руски филмски ѕвезди, рускиот космонаут Сергеј Волков и француската актерка Фани Ардан, се меѓу 1.300 лица кои го читаат епскиот роман „Војна и Мир“ на Лав Николаевич Толстој во живо преку интернет.
Станува збор за 60-часовно маратонско читање, што се спроведува во период од четири дена.
Овој необичен настан го организира рускиот државен електронски медиум, што потоа е префрлен и на интернет мрежата.
Определени локации кои се посочени во романот, како што е местото на Бородинската битка од 1812 година, каде француската армија се соочува со силниот отпор на руската војка предводена од генералот Кутузов, се користени како сетови за читање на делови од книгата на Толстој.
Романот, кој е издаден во 1869 година, се смета за едно од најзначните дела во руската и светската литераура. „Војна и Мир“ ја следи судбината на руските аристократски семејства за време на француската инвазија на Русија на полетокот од 19-от век.
Во ова масовно и маратонско читање се вклучени и ученици, спортисти, научници, како и припадници на руските армиски сили.
Во читањето е вклучен и чукун внукот на писателот, Владимир Толстој, кој делови од книгата чита од Јасна Пољана, место на 200 километри јужно од Москва, каде бил имотот и каде се наоѓа куќата во која живеел прославениот писател.
Организаторите на овој настан велат дека станува збор за проект без преседан во светот, опишувајќи дека географијата на читањето се движи од Калининград, до Камчатка и од Земјата на Франц Јозеф, во Арктикот, до Лондон и Париз.
Ново на Сител
-
Петрушевски: Македонија нема 300 милиони евра за фрлање на автопат од само 10 километри
-
Прилеп се соочува со сериозни проблеми со коцкањето - Отворено одделение за третирање на овој порок
-
ЕП испрати писмо до Фон дер Лајен: Укинете го зимското сметање на времето
-
Преглед на вестите од светот
-
Комисијата нема да почнува разговори од почеток, историчарите подетално ќе разговараат во Софија
-
Тема на денот со Гордана Димитриеска Кочоска, министерка за финансии
-
Комисијата нема да почнува разговори од почеток, историчарите подетално ќе разговараат во Софија
-
Ангелов: Не може да се разговара од почеток за веќе ревидирани препораки во историската комисија