Македонските кикбокс судии со меѓународни признанија и лиценци

Македонските меѓународни судии во кикбокс повторно го потврдија својот квалитет и професионалност на меѓународната сцена. На неодамнешното првенство во Италија, Елена Костадиновска, која воедно е и претседател на судиската комисија во националната федерација, повторно се стекна со престижната меѓународна А лиценца.

На истиот настан, македонските натпреварувачи остварија значаен успех освојувајќи вкупно осум медали – четири златни, едно сребрено и три бронзени.

Дополнително признание доби и Никола Бубевски, кој беше пофален за своето професионално и праведно судење. Како резултат на тоа, тој се стекна со меѓународна Б лиценца.

Овој успех претставува значаен чекор напред не само за судиите, туку и за македонската кикбокс федерација, која со вакви кадри добива поголемо влијание во судискиот систем на WAKO.

Во наредниот период се очекува судиите да го пренесат своето знаење и искуство на домашната сцена, со цел да се обучат нови генерации национални судии и да се зголеми македонското присуство во меѓународните судиски состави, што ќе придонесе за уште пофер и поквалитетно судење.