Македонски поети на поетски средби во Србија и на Саемот на книга во Белград
Македонските поети Петко Шипинкаровски, Христо Петрески, Мишо Китаноски, Тоде Илијески и Костадинка Коца Ѓорѓевска од денеска до 27 октомври ќе бидат дел од поетскиот карван на четириесетина поети и писатели од Србија, Франција, Германија, Унгарија, Босна и Херцеговина, Холандија, Црна Гора, Македонија и други земји од Европа.
Под мотото „Враќање кон корените“, учесниците на карванот ќе престојуваат во Ниш, Лисине, Деспотовац и Белград. За време на карванот, македонските поети ќе настапат на повеќе места на поетските читања, со избор на песни и трудови од своето творештво.
На 26 октомври во 17 часот во Друштвото на писатели на Србија во Белград, претседателите на Клубот на писателите „Седумка“ од Франкфурт – Германија Љубиша Симиќ и на Културниот центар „Бран“ од Струга Петко Шипинкаровски ќе потпишат Меморандум за соработка и разбирање.
На Саемот на книгата во Белград на 27 октомври македонските поети Шипинкаровски, Петрески, Китаноски, Илијески и Ѓорѓевска ќе бидат претставени и ќе бидат промовирани нивни книжевни дела, а ќе биде направена промоција и на книжевното списание „Бранувања“ што го издава „Бран“ од Струга.
На поетскиот карван „Враќање кон корените“ македонските поети ќе престојуваат на покана на Друштвото на писателите „Седумка“ од Франкфурт – Германија.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање