Македонија мрзне - Скопје меѓу најстудените градови
Најниска температура од минус осум степени утрово е измерена во Берово. Во Скопје, мерна станица во Петровец, се измерени минус шест, -4 во Струмица, Демир Капија, Штип, Крива Паланка, Тетово и Лазарополе, -3 во Битола, Куманово и Скопје, -2 во Крушево и Дебар и -1 степен во Охрид, Пожаране и Виница, соопшти Управата за хидрометеоролошки работи.
Нула степени се измерени во Ѓуриште и Претор, два степена во Тополчани и Прилеп, три во Гевгелија и шест степени во Дојран.
Во Македонија утрово е сончево и студено, а во југозападните делови со мала локална облачност. Дува слаб ветер од северен правец кој повеќе е изразен на повисоките места и планините. По одделни котлини и долж Повардарието има магла и магла со намалена видливост, во Демир Капија видливоста е до 50 метри.
За текот на денот УХМР најавува сончево време со мала облачност, долж Повардарието со умерен северозападен ветер. Претпладнето по одделни котлини ќе има појава на магла и ниска облачност. Највисоката температура на воздухот ќе се движи од 5 до 12 степени.
Во Скопје претпладне ќе има појава на слаба магла, а во текот на денот ќе биде сончево со мала до умерена облачност и умерен северозападен ветер. Највисоката температура на воздухот ќе достигне до 7 степени.
Во наредните денови ќе преовладува сончево време со ниски утрински температури. Утре ќе има појава на утринска магла по котлините. Позначителен пораст на дневната температура ќе има в петок и за време на викендот.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје