Македонецот Савевски најдобар странски играч во АЕК

Тони Савевски е избран за најдобар странец во историјата на славниот грчки клуб АЕК од Атина. Во анкетата во која гласале преку 7.000 луѓе Савевски ги победил Душан Бајевиќ и Ривалдо.

 

Савевски во периодот од 1988 до 2001 година одиграч 356 натпревари и постигнал 51 гол за АЕК. Со клубот освоил четири трофеи во првенството три во Купот и два во Суперкупот на Грција.

 

Во анкетата, речиси половина од оние што гласале се определиле за поранешниот репрезентативец на Македонија и Југославија. Савевски освоил 47 отсто, Бајевиќ 16, а Ривалдо 13 отсто.

 

Савевски е член на најславната генерација на Вардар која во 1987 година ја освои шампионската титула во Југославија.