Локализиран пожарот во општина Старо Нагоричане
Пожарот во општина Старо Нагоричане, во селата Челопек и Алгуња е локализиран, соопштија денеска надлежните од Територијалната противпожарна единица Старо Нагоричане. На пожарот, како што соопшти командирот на ТППЕ Старо Нагоричане, Далибор Трајковски интервенираа две противпожарни возила и седум пожарникари од Старо Нагоричане, 30 припадници на Армијата и екипа на ЈП „Национални Шуми“ со нивно возило.
- Очекуваме во наредните часови пожарот да биде изгаснат. Зафатена беше нискостеблеста шума, грмушки и ниска вегетација и помала површина на бел бор, изјави Трајковски.
Пожарот, како што претходно соопшти ЦУК, избувнал вчера околу пладне во атарот на двете села. При гаснењето вчера учествуваа повеќе екипи, три возила од Старо Нагоричане со осум пожарникари, ТППЕ Куманово со едно возило и три пожарникари, едно возило и екипа на „Национални шуми“, локални жители, а утрово во гаснењето на пожарот бил вклучен и хеликоптер на МВР.
В.д. директорката на кумановската подружница на „Национални шуми“ - Куманово Катица Станковска Ристовска информираше дека пожарот избувнал вчера во месноста „Челопечка Кула“.
- Испративме возило кое веднаш беше достапно за помош. Вчера покрај пожарникарите од Старо Нагоричане и Куманово учествуваше и наша екипа. И денеска се гаси пожарот, се надеваме дека до крајот на денот ќе биде целосно изгаснат, изјави Станковска Ристовска.
Вчера на терен бил и заменик генералениот директор на ЈП „Национални шуми“ Кире Михаилов со надлежните од кумановската подружница.
Ново на Сител
-
Може ли Скопје преку Вашингтон да најде пократок пат до Брисел
-
Службен весник ги објави одлуките за замрзнатите цени и маржи
-
Уставен суд поведе иницијатива по предлог на обвинителката Ленче Ристовска
-
Тема на денот со Максим Димитриевски, лидер на ЗНАМ
-
МОН ги објави конкурсите за стипендии во странство, од оваа година под нови услови
-
Уставен суд поведе иницијатива по предлогот на обвинителката Ленче Ристовска
-
Случајот со обвинителот Коцевски под лупа на САД, Правда го подготвува предлогот за разрешување
-
СДСМ: Процес на партизација наместо реформи