ЛОИ 2020: Георгиевски избори полуфинале

Репрезентативецот на Македонија во Таеквондо Дејан Георгиевски е на чекор до медал на ЛОИ во Токио откако за само  три часа, успеа да обезбеди и втора победа во Токио со што се пласира во полуфиналето.

 

По победата на светскиот првак Рафаел Алба Кастилјо од Куба предмалку го словлада и противникот од Брегот на Слоновата Коска Сејду Губане со 9:4 во четвртфиналната борба, па со пласманот меѓу четирите најдобри на олимпискиот турнир во таеквондо, си обезбеди борба за медал.

 

Резултатот до втората рунда беше 4:3 за нашиот претставник, Губане израмни на 4:4, но потоа следеа пет последователни поени на Дејан за потврда на квалитетот и извојување на нова голема победа од 9:4.

 

Противник во полуфиналето ќе му биде Кореецот таеквондо борец Кјо До Ин, кој инаку е втор носител на олимпискиот турнир.