Ле Роа поднесе оставка на Службата на ЕУ за надворешни работи
Шефот на Службата на ЕУ за надворешни работи (EEAS) францускиот дипломат Ален Ле Роа поднесе оставка на функцијата поради несогласување со ставовите со претставничката на ЕУ за надворешна политика и безбедност, Федерика Могерини, јавуваат западни медиуми.
Ле Роа се повлекува „од лични причини“ 16 месеци откако ја презеде должноста генерален секретар на таа служба, се вели во кусо соопштение.
Могерини за нов генерален секретар кој ќе стапи на должност на 1 септември, ја назначи Хелга Шмит (55), германски дипломат и политички директор во ЕЕАS која во изминатите шест години беше задолжена за прашања како што се нуклеарните преговори со Иран.
Ле Роа е втор висок претставник од соработниците на Могерини кој заминува од должноста. Пред неколку недели првиот шеф на нејзиниот кабинет Стефано Мансервиси премина на чело на Генералниот директорат на ЕК за меѓународна соработка и развој.
Ново на Сител
-
Бројот на жртви од урнатиот покрив на ноќен клуб во Санто Доминго се искачи на 225
-
Де Бруин се уште не одлучил каде ќе ја продолжи кариерата по Манчестер Сити
-
Трамп ги иззема телефоните и компјутерите од високите царини за Кина
-
Истрагата за „Пулс“ се проширува со нови 19 лица, осомничени се за „тешки дела против општата сигурност“
-
Почина Проф. Др. Александар Ношпал
-
Додик во Белград и покрај потерницата, ќе учествува на митинг за поддршка на Вучиќ
-
ВМРО-ДПМНЕ: ДУИ се обидува да избегне одговорност со евтини обиди за етничка манипулација
-
Љутков од Гевгелија: Градот на културата за 2025 година