Краткиот филм „Последните камбани“ учествува на повеќе фестивали
Краткиот филм „Последните камбани“ овој месец ќе биде прикажан на Скопје филм фестивал и на Фестивалот на нем филм во Медисон, Висконсин, САД.
Премиерно филмот беше прикажан на фестивалот во Монтреал каде освои прва награда за најдобар краток филм, а неодамна учествуваше и во официјалната меѓународна конкуренција на Филмскиот фестивал во Силхет, Бангладеш.
„Последните камбани“ ќе биде дел и од официјалната конкуренција на Фестивалот на краток филм „Фастнет“ во Шул, Ирска, кој ќе се одржува од 23-ти до 27 мај, а за идниот месец е потврдено и учество на Меѓународниот фестивал на краток филм и анимација во Санкт Петербург.
- Многу се радувам на овој фестивалски живот на „Последните камбани“ и сметам дека е еден од вистинските начини за промоција на македонскиот филм низ светот, изјави продуцентот Гоце Кралевски.
Филмот е во продукција на ДНФ филмс. Режисер и сценарист е Николче Поповски, а главната улога ја игра Мето Јовановски. Директор на фотографија е Фејми Даут. Поддржан е од Агенција за филм на Република Македонија.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево