Ковачевски на прошетка со Вучиќ и Брнабиќ покрај Сава во Белград
Премиерот Димитар Ковачевски вечерва заедно со претседателот на Србија Александар Вучиќ и со премиерката Ана Брнабиќ ја започна својата официјална посета на Белград со прошетка на шеталиштето покрај Сава во Белград.
-Мојата посета ја започнувам со пријатна заедничка прошетка низ убавото шеталиште покрај Сава во Белград. Споделивме размислувања за цврстото пријателство, соработката, партнeрството меѓу нашите две земји како и визијата за иднината на Западен Балкан, напиша Ковачевски на својот профил на Фејсбук.
Српскиот претседател Вучиќ на Инстаграм објави фотографија од прошетката и напиша дека со гордост му покажува на премиерот Ковачевски колку се изградил Белград.
-Велат дека за време на добра прошетка се смислуваат најдобри планови и се водат најпријатни разговори. Додека со гордост му покажувам на пријателот Димитар Ковачевски колку се изградил Белград, разменуваме мислења за проширување на иницијативите „Отворен Балкан“, „Патот на ЕУ кон нашиот регион“, позицијата и перспективите на Западен Балкан на геополитичката мапа на Европа и светот, но и за плановите за претстојните средби и новите проекти за поврзување, напиша Вучиќ на Инстаграм.
Премиерот Димитар Ковачевски е во официјална посета на Србија и ја предводи македонската делегација во која се неколку министри. За време на посетата утре ќе бидат потпишани три меморандуми за соработка.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош