-->
-->
Кошаркарите на Македонија по победа над Естонија
-->
Македонската кошаркарска репрезентација вечерва со почеток во 20:30 часот го игра вториот натпревар од групата Д. Противник на нашите кошаркари е селекцијата на Естонија. По стартниот пораз од Косово во средата само победа е опција за Македонија.
- Ова е клучен натпревар за нас, особено по поразот од Косово. Мислам дека ќе мора со многу повеќе енергија да го одиграме овој натпревар и да стигнеме до победа. Голема помош очекувам од навивачите и се надевам дека салата ќе биде полна и ќе ја имаме потребната поддршка од нашиот „шести играч“ и да ја забележиме првата победа во групата, истакна капитенот Војдан Стојановски.
Вчерашниот утриински тренинг го прескокна Американецот Џордан Теодор поради стомачни проблеми, но селекторот Јорданчо Давитков истакна дека тој сигурно ќе биде во составот. Теодор со 22 поена беше најефикасниот наш играч на дуелот со Косово.
- Одигравме тежок натпревар со Косово, а Естонија е добар тим. Работевме напорно и мислам ќе бидеме подготвени за игра. Очекувам помош и од навивачите. Дел од нив за време на „Трофеј Македонија“ беа на одмор, но сега очекувам да ни помогнат да победиме, изјави Теодор.
Натпреварот Македонија – Естонија се игра во ВИП Арена во СЦ „Борис Трајковски“ со почеток во 20:30 часот.
Покрај овој натпревар од претквалификациите од второто коло играат уште:
Бугарија – Белорусија,
Ерменија – Шведска,
Австрија – Холандија и
Босна и Херцеговина – Словачка.
-->
-->
-->
Ново на Сител
-
Три вработени во ЈСП Скопје обвинети за проневера од 23 милиони денари
-
Уапсен Илир Мета, поранешен претседател на Албанија и лидер на Партијата на слободата
-
Министерот Трипуновски потпиша договор со Управата за хидрометеоролошки работи за користење на финансиска поддршка од 1.000.000 денари
-
Околу двесте лица вакцинирани од утрото во поликлиника „Бит Пазар“
-
Трамп за Волстрит Журнал: На Путин му реков дека ќе го гаѓам центарот на Москва доколку ја нападне Украина
-
Неизвесен за натпреварот со Порто - Борозан нападнат од кучиња скитници
-
Уапсени две лица барани од Интерпол-Австрија и Интерпол–Словачка
-
Намалување на цените на горивата