Бинали Јилдирим ќе биде избран за нов премиер на Турција
Министерот за транспорт на Турција Бинали Јилдирим денеска ќе биде избран за претседател на владејачката турска Партија на правдата и развојот (АКП) и за премиер на земјата.
Јилдирим е близок соработник на турскиот претседател Реџеп Таип Ердоган и тој ќе дојде на местото на Ахмет Давутоглу, кој поднесе оставка од лидерската позиција во партијата и премиерската функција по серијата несогласувања со шефот на државата.
Јилдирим е единствениот кандидат за лидер на АКП и тој ќе биде избран денеска на специјалниот партиски конгрес, изјави портпаролот на партијата, Омер Челик.
Јилдирим изјави дека неговата номинација е резултат на консултациите меѓу приближно 800 важни членови на АКП.
- Ќе ги вложиме сите напори за да работиме во целосна хармонија, пред се со нашиот основач и лидер, а потоа со нашите колеги на сите нивоа на партијата за да ги исполниме целите на нашата земја, рече Јилдирим.
Ердоган, иако по преземањето на претседателската функција повеќе не на челната позиција на АКП, се смета за нејзин основач и духовен лидер.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија