Климкин против постепеното укинување на санкциите за Русија
Украинскиот министер за надворешни работи Павло Климкин се изјасни денеска против предлогот на шефот на австриската дипломатија Себастијан Курц, кој е актуелен преседавач со ОБСЕ, за постепено укинување на санкциите кон Русија за секој поситгнат напредок во решавањето на конфликтот во Украина.
Климкин истакна дека укинувањето на сакциите треба да следи само по целосна примена на Минскиот договор.
- Потребни се санкции со што ќе се принуди Русија целосно да го спроведе Договорот од Минск, порача Климкин, наведувајќи дека кога тој договор во целост ќе биде исполнет, ќе може да се зборува за укинувањето на санкциите.
Тој нагласи дека се потребни дополнителни средства за вршење притисок врз Русија, ако актуелните санкции не делуваат.
Климкин смета дека решението за конфликтот е едноставно: „треба да престанат да пукаат“, додавајќи Русија мора да се натера да го примени Минскиот договор, кој предвидува примирје.
ОБСЕ, според Климкин, треба да воспостави мониторинг на границите меѓу украинските сепаратиситички региони и Русија, со цел да се спречи шверц на оружје и влез на борци од руска територија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари