Кличко: Голем број тенкови доаѓаат од Белорусија, Киев се подготвува за одбрана
Ситуацијата останува тензична. Во моментов голем број тенкови се приближуваат кон главниот град на Украина од правец на Белорусија, изјави градоначалникот на Киев Виталиј Кличко за телевизијата Украина 24.
– Ситуацијата е тензична. Додека се подготвуваме, голем број тенкови доаѓаат од исток, од Белорусија. Нашите момци исто така се подготвуваат да не бранат … Можам да кажам дека сум горд што сум Украинец и овие напори што ги преземаат нашите момци се напори на силна волја, што го покажува нашиот украински карактер. Нашите момци покажуваат неверојатни способности во одбивањето на нападите на Киев. Денеска, целта на Русите е нашиот главен град – рече Кличко.
– И јас сум изненаден што луѓе кои никогаш во животот не носеле оружје, лекари, театарски актери, сега го прават тоа и велат дека ќе ги браниме нашите домови и ќе ја браниме нашата земја и нашиот град. Никогаш не сум видел таков патриотски подем во која било земја – рече Кличко.
Ново на Сител
-
СДСМ бара оставка од министерката за финансии за навредите кон пратеничката Петровска
-
Гаши ги следи реакциите за вчерашната седница за пратенички прашања
-
Барањето за разрешување на Коцевски се уште не е стигнато во Советот на јавни обвинители
-
УЈП со нова услуга - Уверение за остварен доход ќе се вади електронски
-
Градот Штип, нов мост за соработка помеѓу Македонија и Велика Британија
-
30 лица чекаат трансплантација на орган
-
Преглед на вестите од светот
-
Осуденици добивале привремено ослободување: Истражните органи со детали за денешната акција