Ќе се ликвидира заедничкото јавно претпријатие „Пониква КП“ на општините Кочани и Пробиштип
Општините Кочани и Пробиштип, кои се основачи на заедничкото јавно претпијатие „Пониква КП“, започнаа постапка за негова ликвидација. Одлуката за згаснување на претпријатието доаѓа по пет години од основањето, откако тоа воопшто не проработи во дејноста за која беше регистрирано.
Едногласна поддршка за одлуката вчера даде Советот на општина Кочани, а се очекува денеска идентична одлука да изгласаат и советниците во Пробиштип.
- Досега претпријатието постоеше само на хартија и претставуваше товар за двете локални самоуправи, поради што е започната постапката за негово бришење од регистарот на активни фирми. Важно е да се каже дека не се направени никакви приходи, ниту трошоци, бидејќи тоа не учествуваше во платниот промет и имаше времена сметка, рече Венцо Бојков од одделението за правни работи на општина Кочани.
Иако биле формирани управните тела и е донесен статутот на заедничкото претпријатие, не било реализирано вработувањето на четири работници, кои веќе ја поминале почетната обука.
Потребата од заедничкото јавно претпријатие „Пониква КП“ се наметна заради вршење работи поврзани со развојот на туризмот и управувањето со ски-центарот на Осоговските Планини, посебно откако со донација од државното претпријатие МЕПСО пред неколку години беа набавени топови за вештачки снег и се осветлија скијачките патеки.
Ново на Сител
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции