Ќе остане ли Игуаин во Наполи

Челниците на Наполи подоготвувале нов договор за својот најдобар играч и стрелец, Гонзало Игуаин, пренесуваат италијанските медиуми.

 

Аргентинецот, ја игра најдобрата сезона во кариерата, тој е прв стрелец во Серија А со 29 голови постигнати на 30 натпревари. Во борба за „Златната копачка“, тој е пред Кристијано Роналдо.

 

Медиумите во Италија објавија дека Наполи на Игуаин му нуди нов договор, до 2020 година и годишна плата од 7,5 милиони евра. Актуелниот договор на Аргентинецот според кој тој заработува 5,5 милиони евра годишно, истекува во 2018 година.

 

Во новиот договор би била вметната и откупна клаузула од 100 милиони евра, во актуелниот договор таа клаузула изнесува 94,7 милиони евра.

 

Ла Република наведува дека Наполи и Игуаин се блиску до продолжување на соработката, бидејќи напаѓачот бил задволен од животот во Неапол.

 

Игуаин во Неапол пристигна пред три години од мадридски Реал, додека професионалната кариера ја започнал во Ривер Плејт.