Кавадарци со 328 првачиња во 23 паралелки во новата учебна година

Кавадарци со 328 првачиња во 23 паралелки ја започнува новата учебна година, информираше кавадаречкиот градоначалник Митко Јанчев на денешната прес-конференција.

Тој нагласи дека Општината непрекинато работи на подобрување на условите во сите училишта.

– Во изминатите години се вложуваше многу во подобрување на училишните згради, вториот дом на нашите ученици. Ние како локална самоуправа ќе продолжиме да ги следиме трендовите во образованието и за децата ќе обезбедуваме место кое ќе биде инспирација за нови знаења, рече Јанчев.

Тој им посака успешна година на учениците и просветните работници.