Карпош ќе субвенционира енергетски ефикасни фасади, санација на покриви и лифтови
Општина Карпош ги објави јавните повици за субвенционирање енергетски ефикасни фасади, санација на покриви и постојните лифтови на станбени згради.
За субвенционирањето обнова на фасадите, поддршката од буџетот на Карпош ќе биде 30 проценти, но не повеќе од 600.000 денари од вкупниот износ на вредноста на инвестицијата.
За санација на покриви, финансиската поддршка, исто така, ќе биде 30 отсто, не не повеќе од 150.000 денари, додека за санација на постоечки лифтови ќе се субвенционира максимум до 200.000 денари.
Право на учество на јавните повици имаат сите заедници на сопственици или управители на станбени згради за колективното домување во Општина Карпош кои се евидентирани во регистарот на станбени згради во Општината како заедници на сопственици или управители.
– Локалната самоуправа го промени начинот на субвенционирање на ваков тип реконструкции и постапи по препораките од Државниот завод за ревизија. Средствата за субвенционирањето на реконструкција на фасади, покриви и постоечки лифтови се предвидени во Буџетот за 2020 година, а јавните повици се објавени на огласната табла на официјалната веб страна www.karpos.gov.mk, соопшти Општина Карпош.
Повеќе информации за условите се содржани во Јавниот повик за субвенционирање на енергетски ефикасни фасади и во Јавниот повик за санација на покриви и постојните лифтови.
Ново на Сител
-
Сузбиена организирана криминална група инволвирана во криумчарење мигранти
-
За една недела отстрането 91 непрописно паркирано возило во Општина Центар
-
Секој деветти смртен случај кај новороденчињата во Македонија е поврзан со загаден воздух
-
Македонски државјанин уапсен во Швајцарија - Се обидел да изврши грабеж во пензионерски дом
-
Спречени обиди за криумчарење ловечка муниција, цигари, брендирана облека и девизи
-
Мотоциклист од Валандово изгубил контрола и удрил во паркирано возило
-
Нови цени на горивата од полноќ
-
„Епл“ ја загуби битката пред судот на ЕУ за 13 милијарди евра даноци во Ирска