Каргов: Најмногу претставки против инспекторите за труд
Инспекцискиот совет денеска разгледуваше осум претставки, од кои четири се поднесени против инспектори од Државниот инспекторат за труд и по една за пазарен инспектор, просветен, управен и инспектор за храна.
Според претседателот на Испекцискиот совет Ванчо Каргов, досега најголем број на претставки кои се разгледувани се однесуваат за инспекторите за труд и од пазарниот инспекторат.
- Во претставките од денешната седница најмногу се однесуваат на трудовите инспектори кои при контролата вршеле влијание. Инспекторите вршеле притисок за преку која фирма да се обезбедуваат елаборати за безбедност и здравје при работа или на пример компаниите да вршат услоги од одредени сметковотствени фирми кои тие ги нуделе, истакна Каргов.
До денеска, посочи Каргов, Советот реализирал 28 претставки против испектори, од кои за три е констатирано дека има основа за спроведување на дисциплинска постапка, кај два се утврдени дисциплински одговорности, а за еден инспектор наскоро треба да биде завршен предметот.
Најголем број на претставки, потенцира Каргов, се поднесени против локалните инспектори, за кои Советот не е надлежен и ги препраќа до општините.
Тој упати апел до граѓаните да укажуваат на сите неправилности од страна на инспекторите и информира дека во последните две недели значително бил зголемен бројот на жалби против нив.
Ново на Сител
-
Тема на денот со Златко Перински, министер за локална самоуправа
-
Внатрепартиски избори за претседател на СДСМ – тројца кандидати
-
Дигитална трансформација на јавните комунални претпријатија
-
Внатрепартиски избори за претседател на СДСМ – тројца кандидати
-
Агелер: Нема репреговарање на Договорот од Преспа и напредокот кон ЕУ
-
Детектор: Македонските граѓани сакаат членство во ЕУ, но не по цена на Бугари во Уставот
-
Бугарија задоволна од пописот во Албанија, Грција бара почитување на малцинствата
-
Со 250 милиони евра годишно ќе се развиваат општините