Каранфиловска Пановска: Нема гаранција дека е прекинат надзорот на телекомуникациите
Заштита на приватноста од аспект на контролирањето на комуникациите и надзорот, заедно со медиумската сфера, се подрачјата во кои извештајот од септември на експертската група на Рајнхард Прибе констатира дека и по две години во голема мера нема никаков напредок и мора нешто да се направи.
Ова го посочи извршната директорка на Фондацијата „Отворено општество“ Македонија Фани Каранфиловска Пановска на отворањето на денешната 13. Меѓународна конференција „Е-општество“ во Скопје.
- Немаме никаква гаранција со оглед на тоа дека во извештајот се констатира дека во планот на надзорот на телекомуникациските системи нема никаков напредок. Немам никаква причина зошто да верувам дека тоа е прекинато. Можеби е, но не добивам таков впечаток од ниеден од пишаните документи и материјали од тоа како течат процесите. Со самиот факт што сега допрва Министерството за внатрешни работи покренува иницијатива за нов закон за оперативно техничка Агенција што ќе треба да го преземе овој дел од УБК на друго место покажува дека таму поставеноста и пристапот до информациите и телекомуникациските системи не е променет, изјави Каранфиловска Пановска.
Посочи дека законските измени се само инструментот, но суштината е многу сериозна и дека Фондацијата ќе продолжи да се залага и да ги поддржува граѓанските организации сериозно да го следат процесот на изготвување и спроведување на реформите од овој, како што рече, голем реформски пакет.
Ново на Сител
-
Мицкоски на средба со дијаспората во Њујорк: Да се зајакне соработката во градење на иднината на Македонија
-
Од воздух се гаси пожарот на планината Серта во штипскиот регион
-
Бебе во тешка здравствена состојба оставено во центар на Велес, случаен минувач го однел в болница
-
Двојно повеќе повици во струшката брза помош, сообраќајот проблем за движење на екипите
-
Значително намален бројот на илегални преминувања на надворешните граници на ЕУ, особено на Западен Балкан
-
Пезешкијан: САД мора да сфатат дека Техеран нема да потклекне на притисоци
-
Кулеба: Украина не може да чека уште 75 години, мора побргу да влезе во НАТО
-
Министерот Љутков најави реконструкција на локалитетот „Залив на коските“ на Охридското Езеро