Караџовски: Прележувањето на Ковид-19 не е гаранција дека лицето повторно не може да биде заразено со друг сој

Претседателот на Комисијата за заразни болести, Жарко Караџовски соопшти дека 116 лица во Македонија по вторпат се заразиле со Ковид-19.

- Прележувањето на инфекцијата од Ковид-19 не е гаранција дека лицето повторно не може да биде заразено со друг сој на вирусот. Будно гледаме кој е тој процент или просек на реинфекција, тоа се 116 случаи од околу 112.000 заболени што е 0,01 процент. Тоа е релативно многу мал број од вкупниот број позитивни. Тоа може да се случи од непочитување на мерките или лицата мислат дека не можат повторно да се заразат со вирусот. Никому не можеме да кажеме дека инфекцијата којашто е прележана пред извесен период не може да донесе реинфекција со нов сој, рече Караџовски.