Канада го одбрани трофејот на СП во хокеј на мраз

Канада е старо-новиот светски првак во хокеј на мраз, откако триумфираше на шампионатот што изминатите две седмици се одржуваше во Москва и Санкт Петербург.

Во финалето Канаѓаните синоќа ја победи Финска со 2:0 (по периоди 1:0, 0:0 и 1:0). 

Инаку, за Финска ова беше единствениот пораз на Светското првенство, а во групната фаза Финците убедливо со 4:0 славеа против Канада. Финците до овој пораз имаа 16 победи во низа. 

Домашната селекција на Русија иако атакуваше на златото, на крајот мораше да се задоволи со бронзениот медал. Руските хокеари во „малото финале’’ убедливо ја победија селекцијата на САД со 7:2 (по периоди 2:0, 3:1 и 2:1).