Јокиќ: Сите 30 тимови се жалат и лелекаат на судиите, ние сме само еден од нив

 Центарот Денвер нагетс, Никола Јокиќ, по синоќешниот пораз од Бостон селтикс (87:105), го прокоментира неговото често незадоволство од судењето.

– Мислам дека сите 30 тимови во НБА-лигата се жалат и лелекаат за судиите. Ние сме само еден од нив. Така функционира играта. Арбитрите си ја вршат својата работа. Треба да си ја завршиме и ние својата работа. Секако, понекогаш има недоразбирања, спорови, како и во секоја работа, изјави Јокиќ.

За време на тајмаут во последната четвртина од средбата, кога Селтикс направија неверојатни 31:3, Јокиќ не беше со остатокот од тимот, туку седеше на клупата за резерви.

Со биланс 34 победи и 19 порази, Денвер се наоѓа на четвртото место на табелата во Западната конференција.