Известувачот на ПССЕ ја повика Русија да и ги врати на Полска остатоците од авионот на полскиот претседател

Питер Омцигт (Холандија, ЕПП/ДХ), известувач на Парламентарното собрание на Советот на Европа (ПССЕ) за „Несреќата на полскиот авион Ту-154М што ја носеше делегацијата на полската држава на 10 април 2010 година на територијата на Руската Федерација“, ја повика Русија да и ги врати на Полскам без дополнително одложување остатоците од рушењето на авионот на полскиот претседател.

– Правата на Русија како членка на Советот на Европа неодамна беа обновени. Сега мора да ги исполни своите обврски. Собранието јасно стави до знаење дека Русија има законска обврска да и ги врати на Полска остатоците од полскиот авион, повеќе од девет години по несреќата во која загинаа 96 лица, вклучувајќи го и полскиот претседател и многу високи полски функционери. Неприфатливо е руските власти сè уште да не одговорат на повикот на Собранието, рече известувачот.