Израел ги укинува визите за Косовците
Израел и Косово денеска во израелската амбасада во Приштина ќе го потпишат договорот за слободно движење без визен режим на граѓаните од двете држави, јави дописникот на МИА од Приштина.
Како што објави израелската амбасада, на официјализирањето на овој договор, кој беше постигнат уште во јануари годинава, ќе присуствува и министерот за внатрешни работи на Израел, Моша Арбел.
– Со задоволство ве покануваме на приемот што го организира Нејзината Екселенција г-ѓа. Тамар Зив, амбасадорка на Државата Израел во Република Косово, при што ќе го одбележиме Денот на независноста на Израел и Договорот за укинување на визите за косовските граѓани, се вели во соопштението.
На 29 јануари годинава, претседателката на Косово, Вјоса Османи објави дека Израел се согласил да ги укине визите за граѓаните на Косово.
Оваа одлука на Израел, која е последната земја која ја призна независноста на Косово пред околу три години, беше речено дека ќе стапи во сила по потпишувањето на договорот.
– Во оваа насока двете надлежни министерства ќе продолжат со процедурите на потпишување на договорот и граѓаните ќе бидат известени веднаш штом одлуката стапи во сила. Преку овој договор граѓаните на Косово ќе можат да патуваат без визи во Израел за туристички цели, се вели во тогашното соопштение од кабинетот на Османи.
Ново на Сител
-
Со ребалансот 4,1 милијарда денари за плати и пет милијарди денари за исплата на пензиите
-
Владата до Собранието достави предлози за заменици - министри
-
Царинска управа: Запленети 6.850 евра на ГП Табановце
-
Се прошири пожарот на Огражден, со гасне со два хеликоптери
-
Укинат заклучок од техничката Влада за делницата Гостивар-Букојачани со фискални импликации од 252.699.474 евра
-
ММФ ја задржа прогнозата за светскиот економски раст од 3,2 отсто годинава и 3,3 отсто во 2025 година
-
Владата именуваше в.д. директори на повеќе институции
-
Најмалку 14 лица се спасени во поплавите во Торонто, 167.000 домаќинства останаа без струја