Со ребалансот 4,1 милијарда денари за плати и пет милијарди денари за исплата на пензиите
Вкупно 4,1 милијарда денари за плати и пет милијарди денари за исплата на пензиите се предвидени со ребалансот на Буџетот, соопшти денеска министерката на финансии Гордана Димитриеска Кочоска.
На прес-конференција во Владата таа информира дека вкупните приходи во Буџетот се планирани на 318 милијарди 150 милиони денари што е за 8,22 милијарди зголемување. Планирнао е и зголемување на даночните приходи од сопствени сметки. Расходите се планирани на 362 милијарди 816 милиони денари што е зголемување од 19,178 милијарди денари.
Првично проекитраниот БДП, потенцира, е неостварлив. Инфлацијата е предвидена на ниво од 3,5 отсто, а растот на нето платата за 13 проценти.
Според министерката, со ребалансот се обезбедени 4,1 милијарда денари за плати од кои 1,1 милијарда за блок дотации кои не биле планирани во основниот буџет. Во дел од институциите, како што рече Димитриеска Кочоска, имало предвидени плати само до јуни.
-При подготовката на ребалансот се тргна од претпоставките колку средства може да се прераспределат од ставки кои бележат слаба реализација. Со прераспределбата се обезбедени 20 милијарди денари, а дополнителни 11 милијарди денари се планирани за покривање на доспеаните обврски и обврски кои биле законски, а не биле планирани. Тоа резултира буџетскиот дефицит да се зголеми за 11,156 милиони денари, истакна Димитриеска Кочоска.
Од 2024 до 2028 државата само по основа на камати треба да исплати 1,800 милијарди евра.
Димитриеска Кочоска ја почна прес-конференцијата со констатција дека опшатата состојба во Буџетот ги надминала очекувањата на Владата.
-Ветив дека ќе бидам секогаш искрена пред граѓаните. Затекнавме состојба која значи држава во хаос и долгови, список на желби наместо развој. Економијата е во клиничка смрт, нагласи Димитриеска Кочоска.
Ново на Сител
-
МВР постапува по повеќе предмети, ЈО немаат добиено пријава за поткуп за Коридорот 8
-
Малолетници украле автомобил, па откако го оштетиле го вратиле
-
Почината 45-годишна жена пронајдена во нејзиниот дом
-
Исчезнаа уште 7 работници од Непал
-
Бакарни сигнални кабли синоќа биле украдени на пругата Велес - Градско
-
Дали е истата како онаа на СДСМ?
-
Од четврток попладне во прекин системите е-ПДД, е-Даночни услуги и МојДДВ
-
Законските измени за покачување на пензиите поминаа на Влада