Крмов: Со предлог-Законот за попис се подготвува терен за фалсификат

Пратеникот од Левица Борислав Крмов на својот профил реагираше дека владата предводена од СДСМ со предлог-Законот за попис се подготвува терен за фалсификат. Тој ја повика власта да го повлече предлогот и истиот да се преработи по Еуростат стандарди.

„Ни спремаат попис каде немаме дефинирано „вкупно население и вкупно „ПОПИШАНО население! Без ниедна јасна дефиниција за тоа кои „единици ќе се попишуваат само се наброени. Не е јасно наведено кои „ПОДАТОЦИ ќе се прибираат. Прашалникот го нема .Зборот „ДИЈАСПОРА го нема. Нема скоро никаков критериум, ќе се попишува се’!

И тие кои се тука, и тие кои не се, и тие со државјанство и тие без државјанство. Директорот на ДЗС има врзан потпис со заменикот од ДУИ. Уште еднаш ја повикуваме Владата да го повлече овој закон на сериозна доработка по стандардите на ООН и Еуростат. Во спротивно народот ќе биде приморан да се мобилизира за да спречи ФАЛСИФИКАТ. Ширете, ова НЕ СМЕЕ ДА ПОМИНЕ.“, напиша Крмов на Фејсбук.