Изгоре дел од куќа во штипското централно подрачје
Изгоре дел од куќа на улицата „19 Бригада“ во централниот дел на Штип. Пожарникарите дојавата за пожарот ја добиле во 9.30 часот, по што веднаш интервенирале.
Командирот на смена во Територијалната противпожарна единица – Штип, Тони Ѓеорѓиев вели дека пожарот, што го зафатил долниот кат на куќата, е изгаснат и не било дозволено тој да се прошири на вториот кат.
– Интервениравме брзо, со три возила и 10 пожарникари. Потешкотии ни создаваше тоа што куќата е во сокаче, а во овој дел куќите се на минимално растојание. Затоа моравме да имаме брза интервенција со цел пожарот да не се прошири на околните куќи, изјави Ѓеорѓиев.
Тој додава дека и во моментов има една екипа од пожарникари на местото, со цел да внимаваат да не дојде до дополнителен пожар.
Ружа Филипова, жител на улицата во која се случи пожарот, вели дека таа ги повикала пожарникарите, а сопственичката на куќата е извлечена навреме.
Ново на Сител
-
ЦУК: Можно зголемување на водостојот на реките во западниот дел на земјава
-
Шпанското обвинителство бара 4 години и 9 месеци затвор за Карло Анчелоти за финансиска измама
-
Вештачење: Струјата вo модуларната болница ја инсталирале нестручни лица од болницата
-
Вештачење: Струјата во модуларната болница ја инсталирале нестручни лица од болницата
-
Без струја утре дел од Трубарево
-
Службени лица без налог насилно влегле во дом и го нападнале сопственикот пред неговиот син
-
Нови 511 заболени од грип, пад од 39,1 отсто споредено со претходната недела
-
Филипче пред средбата со Мицкоски: Очекувам конструктивен разговор, состанокот нема етничка димензија