Издадена наредба за пронаоѓање на возачот во сообраќајката кај Радовиш
Основното јавно обвинителство од Радовиш издаде наредба за преземање дејствија за пронаоѓање на возачот кој вчера избега по сообраќајната незгода во која загинаа двајца мигранти, а повеќемина беа повредени.
Издадена е и наредба за наредба за сообраќајно–техничко вештачење на возилото, обдукција на двете починати лица, како и наредба за идентификација на останатите мигранти.
- При увидот фиксирани се пронајдените траги, местото на настанот е скицирано и фотографирано, извршен е преглед на оштетувањата на возилото со кое се пренесувале миграните и подигнати се траги од биолошко потекло, се наведува во денешното соопштение од ОЈО.
Во сообраќајната несреќа починаа двајца мигранти, шест се здобија со тешки телесни повреди и 15 со телесни повреди. До несреќата дошло кога товарното возило „ивеко“ во кое се превезувале 23 мигранти од Бангладеш и Шри Ланка излетало од коловозната лента и со предниот дел удрило во металната ограда од надвозникот.
Дел од мигрантите по укажаната лекарска помош се сослушани и сместени во Прифатниот центар во Гази Баба, а дел се задржани на болничко лекување во Клиничката болница во Штип.
Ново на Сител
-
Во „Синџир“ обвинети петнаесет лица вработени во УЈП
-
Адеми: Недозволиво е да се носат законски измени по примерот на Кривичен, без да се консултира судската фела
-
Работен ручек на Фон дер Лајен со лидерите од Западниот Балкан
-
Кривична пријава против осум лица и три компании поради смртоносната сообраќајка во која загинаа татко и син
-
Следните два дена променливо облачно време, викендот сончево со пораст на температурата
-
Мицкоски за посетата на Брисел: Подготвивме најквалитетен документ за Планот за раст, ќе ги одбраниме и националните интереси
-
Претрес во Куманово, приведено едно лице
-
Дурмиши: Цените нема да се замрзнат, маржата ќе се ограничи до 10 отсто