-->
-->
Италијанско признание за Раниери
-->
Менаџерот на Лестер, Клаудио Раниери, е прогласен за најдобар италијански тренер оваа сезона. Информацијата ја соопшти првиот човек на Фудбалскиот сојуз на Италија, Карло Телвекио, нарекувајќи го Раниери „симбол на италијанската извонредност во странство“.
Лестер, кој минатата сезона на волшебен начин се спаси од испаѓање, оваа сезона ја предводи Премиерлигата и за сензационалното освојување на титулата му се потребни 12 бодови на последните шест натпревари. Екипата која ја предводи Раниери на врвот има седум бодови повеќе од Тотенхем.
Раниери Лестер го презеде на почетокот од сезоната, а во кариерата работел во Фиорентина, Валенсија, Атлетико Мадрид, Челзи, Рома, Интер, Монако, а краток период бил и селектор на Грција.
Наградата на Раниери ќе му биде врачена на 9. мај во Рим.
Наградата за најдобар тренер го носи името на легендарниот Енцо Беарцот, кој со Италија го освои Светското првенство во 1982 година. Беарцот почина во 2010 година, а една година подоцна Фудбалскиот сојуз на Италија започна да ја доделува наградата која го носи неговото име.
Претходни добитници на оваа награда се Чезаре Прандели (2011), Валтер Мацари (2012), Виченцо Монтела (2013), Карло Анчелоти (2014) и Масимилијано Алегри (2015).
-->
-->
-->
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд