Италија се вклучува во нова мисија во Нигер за борба против тероризмот и трговијата со луѓе
Италија ќе го намали за 50 отсто нејзиниот контигент од војници во Ирак, бидејќи се подготвува да учествува во нова меѓународна воена мисија во Нигер, изјави денеска италијанската министерка за одбрана Роберта Пиноти.
- Поконкретно, Италија ќе го намали бројот на војници кои се распоредени во Мосул, но ќе продолжи да учествува во обучувањето на ирачките војници и полицајци, нагласи Пиноти.
Новата мисија во Нигер, што ќе биде одобрена од страна на италијанскиот Парламент следната недела, ќе ги поддржи тамошните власти во обуките на војници кои ќе се борат против тероризмот и трговијата со луѓе.
Покрај Италија, во мисијата ќе учествуваат и Франција, Германија, САД и уште пет африкански држави.
Италија првично, за потребите на мисијата ќе испрати 120 војници, но потоа нивниот број може да достигне до 470.
- За Европа, сегашноста и иднината на Африка претставуваат клучен предизвик. Новата мисија е прв чекор од конкретната европска одбранбена стратегија, истакна италијанската министерка за одбрана.
Ново на Сител
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан
-
Муцунски: Наскоро ќе почнат консултациите за нови амбасадори и пополнување на местата во конзулатите
-
Нови израелски напади врз областа околу Бејрут
-
Приведено лице за издржување на тригодишна казна затвор