Истражувачи од Хонг Конг развиле дрон што може да лета и плови
Истражувачи од Универзитетот на Хонг Конг, Кина, соопштија дека развиле дрон што може да лета и да плови, а се преобразува речиси „за миг“.
Научникот Бен Чен и неговиот тим го претставија револуционерниот нов прототип на квадрикоптер, наречен „Мирс-X“ што може да мине шест минути во воздух или 40 минути под вода на длабочина до три метри. Оваа роботска иновација наскоро ќе биде официјално претставена на Меѓународната конференција за роботика и автоматизација - ИЕЕЕ.
За „Мирс-X“ да биде успешен, прецизната брзина на пропелерот игра важна улога. Воздухот е многу помалку густ од водата, така што пропелерите на дронот треба да можат брзо да се вртат за да создадат непречено летање, „нуркање“, лебдење и кревање. Покрај тоа, пропелерите на дронот имаат способност да се навалуваат така што се постигнува целосна контрола при движење над и под нивото на морето.
Со своите способности, овој уред нуди можности за теренско истражување, надзор, научни истражувања и многу повеќе.
Прототипот е прилично мал - долг е 38 сантиметри и тежок околу 1,6 килограми. Научниците се надеваат дека при идните експерименти ќе ја зголемат големината на дронот на околу 183 сантиметри. Идните модели би можеле да добијат и дополнителни способности, како носење товар и собирање предмети под вода.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени