Ирска: Дозволена продажба на алкохолни пијалаци на Велики петок

Првпат во последните 90 години дозволена е продажба и точење алкохолни пијалаци на Велики петок по Грегоријанскиот календар. 

Пред отворањето на пабовите, голем број Ирци веќе чекаа во редови. 

Законот од 1927 година, кој е веќе поништен, досега забрануваше точење и продажба на алкохолни пијалаци на Велики петок, Божик и Денот на Свети Патрик. 

Федерацијата на винари ја поздрави дозволата за продажба на алкохолни пијалаци на Велики петок, велејќи дека со тоа ирските бизнисмени ќе заработат дополнителни 40 милиони евра. 

- Забраната за продажба на алкохолни пијалаци на Велики петок е од друга ера и сосема со право е испратена во страниците на историјата, изјави извршниот директор на Федерацијата на винари, Падрејг Крибен.