Индустриското производство во јуни пониско за 15,1 отсто, во првите шест месеци намалување од 14,6 отсто
Индустриското производство во јуни годинава во однос на јуни лани бележи пад од 15,1 отсто, додека за период јануари – јуни годинава во однос на тој период лани има намалување од 14,6 отсто, објави Државниот завод за статистика.
Според објавените податоци, индустриското производство во секторот рударство и вадење на камен во јуни 2020 година, во однос на јуни 2019 година, бележи опаѓање од 12,5 отсто, во секторот пеработувачка индустрија опаѓање од 14,6 отсто, а во секторот снабдување со електрична енергија, гас, пареа и климатизација опаѓање од 22 отсто.
Намалувањето во секторот преработувачка индустрија е резултат, пред сѐ, на намаленото производство на тутунски производи, текстил, облека, производство на други неметални минерални производи, производство на метали, на фабрикувани метални производи, освен машини и опрема, производство на електрична опрема, производство на машини и уреди, неспоменати на друго место и производство на моторни возила, приколки и полуприколки.
Според главните индустриски групи, производството во јуни 2020 година, во однос на јуни 2019 година, бележи опаѓање кај енергијата за 24 отсто, интермедијарни производи, освен енергија за 10,7 отсто, капитални производи за 22,5 отсто, трајни производи за широка потрошувачка за 41,5 отсто и нетрајни производи за широка потрошувачка за 8,2 отсто.
Ново на Сител
-
Муцунски: Веруваме дека во рамките на нашите предлози може да се најде решение за почеток на преговори со ЕУ
-
Ангелов: Значително е влошена состојбата со пожарите на отворен простор
-
Три „ер трактори“ на ДЗС вклучени во гасењето на шумскиот пожар во близина на селото Моране
-
Се трага по 4 годишно дете од Македонија кое исчезнало на познато албанско летувалиште
-
Срушен е рекордот за ова лето: 21 активен пожар во Македонија
-
Го снимиле и пријавиле како фрла легло со мали мачиња во парк, АХВ го казни со 550 евра
-
ОЈО Скопје по допрен глас ќе го истражува загадувањето со отпад кај Рашче
-
Орце Ѓорѓиевски се напи вода од чешма и порача: „Скопјани се безбедни“
