И Германија размислува за затворање на границите за бегалци
Германскиот министер за внатрешни работи Томас де Мазиер планира да стави крај на огромниот бран бегалци кои што пристигнуваат во неговата земја, јавува дописникот на МИА од Берлин.
Како што пренесува весникот „Ди Велт“ министерот за внатрешни работи веќе започнал да работи на план кој што на Германија ќе и даде можност да ги враќа бегалците кои што ќе се обидат да ја минат државната граница.
Според весникот планот би можел да почне да се спроведува во наредниве неколку недели, а колку е тој реален ќе се знае по самитот на ЕУ закажан за 7 март на кој треба да се анализираат потенцијалите на Турција да ги запре бегалците на своја територија пред тие да тргнат кон Европа.
Претходно ЕУ вети над три милијарди евра и забрзани преговори за членство на Анката во ЕУ доколку се согласи со спроведувањето на идејата на Брисел, бегалците да останат во турските кампови за бегалци наместо да одат во Европа.
Канцеларката Меркел пред неколку дена рече дека нема план „Б“ за планот во кој главен актер е Турција и најави поддршка за Грција во обидот на Атина да се справи со бегалската криза, која што стивна со намалувањето на квотите за прием на Австрија и координираното затворање на границите долж „балканската рута“.
Ново на Сител
-
Мицкоски и Филипче на чекор до лидерска средба
-
Мицкоски: Милошоски и Филков имале само лош ден што треба да заврши
-
Негативно мислење за разрешувањето на обвинителот Коцевски
-
Дали повисоки казни ќе спречат трагедии како Кочани?
-
Клиниката за физикална медицина се подготвува да ги прими првите пациенти од пожарот во Кочани за рехабилитација
-
На чекор сме до генерален штрајк во цела држава, предупреди ССМ на протестот за повисоки плати
-
Откако Палевски беше отстранет од судница, Кешишев раскажа како биле грабнати и убиени Вања и Панче
-
Нормализиран водостојот на Маркова Река, штети во Батинци, Горно и Долно Лисиче