Хуманитарни пакети за семејства од ранливи категории во Крива Паланка

Општинската организација на Црвениот крст Крива Паланка додели хуманитарни пакети за десет семејства во социјален ризик од општината.

Акцијата се реализира во посредство со Црвениот крст на Република Македонија, во соработка со Црвениот крст на Град Скопје, Министерството за труд и социјална политика и Агенцијата за управување со одземен имот. 

- Општинската организација на Црвениот крст Крива Паланка доби одредена количина запленета стока, која е распределена во хуманитарни пакети, надополнети со прехранбени артикли и средства за хигиена од резервите на нашата општинска организација. Тие се доделени на десетина семејства од ранливи категории, еднородителски семејства и семејства приматели на социјална или постојана парична помош, информира Дарко Пешовски, секретар на Општинската организација на Црвениот крст Крива Паланка.

Тој додаде дека семејствата се детектирани со помош на Меѓуопштинскито центар за социјални работи. 

- Делењето хуманитарни пакети продолжува и во наредниот период, а ќе бидат опфатени вкупно 30-тина семјства на подрачјето на Крива Паланка и Ранковце, истакна Пешовски.