Хуманитарна акција во општина Карпош
По повод Деновите на Општина Карпош, викендов во општината се одржа хуманитарна акција насловена „Да бидеме хумани кон нашите соседи“. Целта на акцијата е да им овозможи на граѓаните од Карпош да донираат прехранбени производи и средства за хигиена, кои потоа ќе им се врачат на семејства кои се во потешка материјална состојба.
Меѓу донаторите беше и градоначалникот на Карпош, Стевчо Јакимовски, кој изјави дека во општината има околу 130 до 140 социјално загрзозени семејства кои локалната власт ги поддржува во текот на целата година, финансиски и со хуманитарни акции.
- Вакви акции се одржуваат три пати годишно: за време на Денот на Општината 3 Ноември, за Божиќните празници и за Велигден. Се надевам дека ваквата нивна состојба е од времен карактер и ги повикувам сите граѓани коишто сакаат да помогнат со барем еден продукт од храна и хигиенски средства кој ќе го купат да го одвојат за загрозените сограѓани. Потоа ние ќе направиме пакети кои ќе им ги дадеме на оние на кои им е најнеопходно, барем десетина дена да минат побезгрижно. Карпош е општина на солидарноста и токму затоа ние сме водечка општина во делот на премостување на сиромаштијата, рече Јакимовски.
Хуманитарната акција беше 16-та по ред што ја организира Одделението за социјална заштита при Општина Карпош.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски