Хортикултурно уредување во Кочани

Работната единица „Паркови и зеленило“ во состав на КЈП„Водовод“ од Кочани започна со хортикултурното уредување на зелените површини во повеќе делови на градот.

- Во наредните десетина дена се планира засадување на над 5.000 садници од хибридни сорти на цвеќиња во повеќе делови на градот. Ќе се уредува градскиот парк, кружниот тек, цветните жардињери во неколку населби на градот, како и по течението на Кочанска река, изјави Александар Ефтимов, технички директор во кочански „Водовод“.

Според Ефтимов ова е вонредна акција на нивното претпријатие за цветно украсување на градот, покрај  редовните акции  на РЕ „Паркови и зеленило“ кои се реализираат во текот на годината за  одржување на  парковите и зелените површини во градот Кочани.