Хорор: Дете се разбудило на својот погреб

Седумнаесетгодишниот Кумара Маравада од Индија бил каснат од бесно куче и бил пренесен во болница во тешка состојба.

Неговата здравствена состојба се повеќе се влошувала, а лекарите предложиле да го исклучат од апарати зошто процениле дека му нема спас.

Родителите со тешко срце го прифатиле советот од лекарите и потоа го презеле телото на детето. Меѓутоа на пат кон гробишта, детето се разбудило од кома и почнало самостојно да дише.

Кумар е итно вратен во болница и повторно приклучен на апарати. Лекарите велат дека има менингоцефалитис, воспаление на мозокот предизвикано од бактерија пренесена со каснувањето од кучето.