Холандија се спаси од пораз во дуелот со Шкотска, а Австрија минимално загуби на гостувањето кај Англија

Како и македонската репрезентација така и другите учесници на ЕУРО играат подготвителни натпревари. 

 

Ги издвојуваме оние на нашите противници во случајот Холандија и Австрија. 

 

Фаворитот во нашата група Холандија одигра без победник 2-2 против селекцијата на Шкотска. 

 

Дека Холанѓаните не се неранливи потвирдува и текот на мечот во кој Шкотска со головите на Хендри во 11-тата и Нисбет во 64.минута во два наврати имаше предност. 

 

Сепак. Клучен играч во составот на „лалињата“ беше Депај кој со двата гола 17-та и претпоследната 89-та минута ја спаси Холандија од пораз постувајќи ги  конечните 2-2 на натпреварот.

 

Следниот тес Холанѓаните ќе го имаат на 6 јуни кога ќе ја пречекаат селекцијата на Грузија. 

 

Репрезентацијата на Австрија против која ќе го играме и првиот натпревар на Европскиот шампионат, на гостувањето кај Англија беше поразена со 1-0 и тоа со голот кој го постигна Сака во 57 минута.

 

Сепак во продолжението Австријците имаа неколку одлични шанси за гол, а еднаш ја погодија и пречката.

 

Последниот тест за нив пред дуелот со Македонија, закажан за 13 јуни, ќе биде репрезентацијата на Словачка со која ќе играат во недела.