Хојт Ји на средби со политичките лидери
Заменик помошникот државен секретар на САД за Европа и Евроазија, Хојт Брајан Ји, кој е во дводневна посета на Македонија, денеска треба да ги продолжи средбите со државниот врв и со лидерите на политичките партии застапени во Парламентот.
Ји треба да се сретне со претседателот на државата Ѓорге Иванов, со лидерите на ВМРО-ДПМНЕ Никола Груевски, на СДСМ Зоран Заев, како и со како што се наведува во соопштението од Амбасадата на САД, претседателот на Собранието, Талат Џафери.
Според најавите од Амбасадата, теми на разговор ќе бидат статусот на формирање влада, билатералните односи и реформите потребни за евро-атлантска интеграција.
Американскиот дипломат вчера се сретна со лидерите на албанските партии застапени во Собранието на Република Македонија. Првата средба беше со претставниците на партиското раководство на Алијансата на Абанците, Арбен Таравари и Весел Мехмеди. Потоа Хојт Ји се сретна со претседателот на Беса, Билал Касами, со лидерот на ДУИ Али Ахмети и неговите сопартијци Теута Арифи и Артан Груби, како и со претседателот на ДПА Мендух Тачи.
По средбата со Ји, Ахмети изјави дека изборот на Талат Џафери за претседател на Собранието на Република Македонија е легитимен и оти за тоа има поддршка од САД.
Според агендата, американскиот заменик помошник државен секретар за време на посетата на Скопје треба да оствари средба и со претставници на граѓанското општество и на дипломатската заедница.
Предвидено е по средбите Хојт Ји денеска попладне да даде изјава за медиумите.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората