Хоџај: Србија подмитува и шверцува оружје за повлекување на признавањата на Косово
Потпретседателот на косовската влада во оставка Енвер Хоџај изјави дека актуелните власти во Србија, во нивните напори за негирање на независноста на Косово, продолжуваат да ги користат методите на поранешниот српски лидер Слободан Милошевиќ, јави дописникот на МИА од Приштина.
Хоџај, кој претходно беше и министер за надворешни работи на Косово, истакна дека претседателот на Србија Александар Вучиќ и шефот на српската дипломатија Ивица Дачиќ се служат со корупција и илегална продажба на оружје, со цел да убедат некои од државите во светот да го повлечат признавањето на независноста на косовската држава.
– Лобирачката кампања против Косово по пат на корупција и илегална продажба на оружје и преку слични злосторнички дејствија сега веќе се потврдува и од самиот Белград. Типично за еден авторитарен режим како овој на Вучиќ и на советскиот пион Дачиќ, кои ја продолжуваат политиката на Милошевиќ во однос на Косово, напиша Хоџај на својот Твитер.
Поранешниот претседател на Србија Слободан Милошевиќ почина во Хаг, во притворот на Меѓународниот суд на Обединетите нации за воени злосторства во поранешна Југославија, додека му се судеше за геноцид и други злосторства во војните од 90-тите години од минатиот век во Хрватска, во Босна и Херцеговина и во Косово.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка