Харадинај: Признавањето од страна на Белград нема врска со Заедницата на српските општини

Косовскиот премиер Рамуш Харадинај изјави дека Заедницата на општинтие со мнозинско српско населениа ќе се формира согласно косовските закони, за што се залага и официјален Брисел, јави дописникот на МИА од Приштина.

Харадинај синоќа во интервју за РТК нагласи дека признавањето на Косово од Србија и формирањето на Заедницата се одвоени прашања.

- Тоа се одвоени прашања. Првото се случува во Косово и од страна на Косово. Заедницата е дело на Косово во согласност со косовскиот Устав и законите. Прашањето на меѓусебното признавање во случајов е билатерално прашање. И заедницата произлегува од дијалогот, но сепак е нешто што се случува само во Косово. Формирањето и спроведувањето е во Косово, додека меѓусебното признавање не имплицира нас, Србија и другите страни, рече Харадинај.