Харадинај до Курти: Не се предавај пред признавањето од Србија, ќе останеш со празни раце
Лидерот на Алијансата за индината на Косово (ААК) и досегашен премиер на Косово Рамуш Харадинај денеска го повтори барањето до неговиот наследник на чело на косовската Влада Албин Курти да не ја укинува таксата од 100 отсто на увозот од Србија и Босна и Херцеговина, јави дописникот на МИА од Приштина.
По завчерашното отворено писмо, Харадинај денеска преку својата страница на Фејсбук повторно побара од Курти да не ги замени санкциите на српскиот увоз, кои ги воведе претходната влада со таксата, со реципроцитет кон Србија, како што навестува новиот премиер.
Харадинај му порача на Курти дека, доколку ја укине таксата пред Белград да ја признае независноста на Косово, ќе остане „со празни раце“.
– Претседателот (на САД, Доналд) Трамп во неговите писма упатени до Косово и Србија буквално побара признавање на Косово од страна на Србија. И ние го бараме истото. Таксата да се повлече по признавањето, така ќе се реши проблемот. Не се предавај пред да дојде признавањето од страна на Србија, затоа што ќе останеш со празни раце, напиша Харадинај.
Курти, кој беше именуван за премиер на Косово минатиот понеделник, на 3 февруари, најави дека ќе ја укине таксата од 100 остсто на увозот од Србија и БиХ, која неговиот претходник Харадинај ја воведе во ноември 2018 година и ќе воспостави целосен политички, економски и трговски реципроцитет со тие држави.
Ново на Сител
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица
-
Вработените во културните институции преку протести си ја бараат изработената плата и покачувањето кое им следува